حضرت ابو محمد عبداللہ مغربی تونسوی

حضرت ابو محمد عبداللہ مغربی تونسوی رحمۃ اللہ تعالیٰ علیہ

اسم گرامی محمد اسماعیل تھا۔ حضرت شیخ ابوالحسن علی زرین کے مرید تھے۔ آپ کے استاد ابراہیم خواص، ابراہیم بن شیبان کرمان شاہی تھے۔ آپ کی روحانی نسبت تین واسطوں سے شیخ حسن بصری رحمۃ اللہ تعالیٰ علیہ سے ملتی ہے۔ آپ حضرت شیخ ابوالحسن کے مرید تھے۔ وہ خواجہ عبدالواحد بن زیدودی اور وہ خواجہ حسن بصری سرھم کے مرید تھے۔

ایک دن کوہ سینا پر کھڑے باتیں کر رہے تھے۔ ان کی گفتگو سے پتھر لڑکھڑاتے اور دریائے ہامون میں جاگرتے تھے۔

آپ ۲۷۹ھ میں فوت ہوئے۔ آپ کی عمر ایک سو بیس سال تھی۔ آپ کے استاد ابوالحسین علی بھی ایک سو بیس سال تک زندہ رہے۔ آپ کا مزار پُر انوار کوہ سینا پر ہے۔

یہ بات مشہور ہے کہ شیخ ابوعبداللہ نے ساری عمر تاریکی نہیں دیکھی تھی۔ لوگوں کے لیے جو تاریک مقامات یا اوقات تھے وہ بھی آپ کی نظروں میں روشن اور نورانی تھے۔

شیخ عبداللہ پیر راہنما
صاحب مقبول تار بخش بگو
۲۷۹

شد چو از دنیائے دوں اندر جنان
ہم ولی کامل عبداللہ خوان
۲۷۹

(خزینۃ الاصفیاء)