حضرت مولانا مفتی محمد یوسف فرنگی
حضرت مولانا مفتی محمد یوسف فرنگی محلی علیہ الرحمۃ
حضرت مولانا مفتی محمد اصغر فرنگی محلی قدس سرہٗ المتوفی ۱۲۵۵ھ ۹؍رجب المرجب، کے فرزند چند ، علمائے فرنگی محل سے تعلیم پائی، علوم وفنون میں امامت کا منصب رکھتے تھے، اکثر علمائے فرنگی محل کا سلسلۂ تلمذ آپ سے وابستہ ہے، اپنےوالد کے انتقال کے بعد عدالت دیوانی لکھنؤ کے مفتی مقرر ہوئے بعدہٗ مدرسہ الحاج امام بخش مرحوم جونپور میں مدرسی اختیار کی حضرت مولانا عبد العلیم آسی رحمۃ اللہ علیہ جیسے بزرگ نے آپ سے تلمذ اختیار کیا، حرمین شریفین کی زیارت کے شوق میں حیدر آباد ہوتے ہوئے شعبان ۱۲۸۶ھ میں مدینہ طیّبہ حاضر ہوئے، بمرض اسہال سہ سنبہ ۱۹؍ذیقعدہ ۱۲۸۶ھ میں فوت ہوئے ("تذکرہ علمائے ہند" میں ۱۱؍تاریخ غلط لکھی ہے)
