حضرت مولانا عبد الحفیظ حقانی مفتی آگرہ علیہ الرحمۃ

عالم ربانی وحید العصر مولانا محمد عبد الحفیظ ابن حضرت مولانا عبد المجید منوطن قصبہ آنولہ، ضلع بریلی، اپنے نانہال محلہ بانس شہر بریلی میں ۱۳۱۸؁ھ کو پیدا ہوئے، مدرسہ منظر حق ٹانڈہ، ضلع فیض آباد میں والد ماجد سے تکمیل علوم و فنونکرکے ۱۹۱۸؁ء میں سند حدیث حاصل کی، علی الترتیب بنارس، مبارک پور دو۲ دو۲ سال درس دیا، بعدہٗ سات برس منظر حق میں مدرس رہے ۱۹۳۰؁ء میں قصور ضلع لاہور گئے اور سولہ ماہ مقیم رہے، یہاں سے امر تسر چندہماہ ٹھہر کر دھلی کے دار العلوم نعمانیہ میں چار ماہ شیخ الحدیث کے منصب پر فائز رہے، ۱۹۳۶؁ء میں شاہ جامع مسجد آگرہ کے مفتی وخطیب مقرر ہوئے، اور سولہ برس کے بعد ۱۹۵۵؁ء میں کراچی چلے گئے، جامع مسجد جناح، اور دار العلوم مظہریہ کے متصب صدارت کو زینت بخشی، ۱۹۵۷؁ھ میں علامہ احمد سعید کاظمی کی دعوت پر مدرسہ انور العلوم ملتان تشریف لے گئے، اور شیخ الحدیث مقرر ہوئے، آٹھ ماہ بعد ۱۹۸۵؁ء کو ملتان میں وصال ہوا، آپ کے برادر طریقت حضرت مولانا الحاج حامد حسن قادری نقشبندی مؤلف داستان تاریخ اردو نے جناب محمد ایوب قادری آنولوی صاحب کی تحریک پر چند تاریخی ققرے اور ایک قطعۂ تاریخ لکھا ؎

(قومی زبان کراچی)