حضرت ام المؤمنین سیدہ ام حبیبہ

حضرت ام المؤمنین سیدہ ام حبیبہ رضی اللہ تعالیٰ عنھا

 ان کا نام رملہ تھا۔ والد کا نام ابو سفیان صخر بن حرب بن امیہ بن عبد الشمس بن المناف بن قصی تھا۔ والدہ کا نام صفیہ بنت ابو العاص تھا، جو حضرت عثمان ذو النّورین رضی اللہ عنہ کی پھوپھی تھیں۔ یہ بعثت سے سترہ (۱۷) سال پہلے پیدا ہوئیں، ان کا نکاح عبید اللہ بن حجش سے ہوا، اسی کے ساتھ ہجرت ثانیہ میں حبشہ کی طرف گئیں، وہاں جا کر عبید اللہ نصرانی ہوکر مرگیا اور یہ اسلام پر قائم رہیں، اس سے ایک لڑکی حبیبہ نام پیدا ہوئی، بعد ازاں ۷ھ میں آنحضرت صلی اللہ علیہ وآلہ وسلم کے نکاح میں آئیں،  اِن کی مرویّات سے پینسٹھ (۶۵) حدیثیں ہیں، انہوں نے ۴۴ھ میں وفات پائی، نماز جنازہ مروان بن الحکم نے پڑھائی، اور جنّت البقیع میں مدفون ہوئیں، (مسالک السّالکین جلدِ اوّل)

(شریف التواریخ)